Hvað gerist við og eftir meðferð:

 

Strax eftir fyrstu meðferð fær húðin aukinn ljóma og verður frísklegri.  Með endurteknum meðferðum stinnist og styrkist húðvefur og frumustarfsemi eykst þannig að húð þéttist og verður fíngerðari.  Blóð- og næringarflæði til húðfrumna eykst sem stuðlar að heilbrigðari og unglegri húð.  Þannig er unnið markvisst á skemmdum s.s. sólarskemmdum, litabreytingum, öldrunar-blettum, djúpum og grunnum hrukkum, örum eftir bólur og óhreinni húð.

 

Í einfölduðu líkindarmáli mætti líkja áhrifum þessarar meðferðar við hjartahnoði fyrir húðfrumurnar.  Við þessa örvun fara þær aftur á fullt að vinna og byrja að endurnýja sig af meiri krafti.  Demantshúðslípun er svo fullkomlega rökrétt og auðskiljanlegt ferli þegar hún er útskýrð á þennan einfalda en vitsmunalega hátt. 

 

Staðreyndin er að strax eftir 25 ára aldur byrjar öldrunin og húðfrumurnar fara að letjast og hægja á endurnýjun sinni, sem gerir það að verkum að við förum að sjá fyrstu einkenni öldrunar á húð okkar.  Hafa ber í huga að það tekur okkur mörg ár að mynda djúpar hrukkur og aðrar skemmdir í húð.  Þær hverfa ekki á einni nóttu en Demantshúðslípun er langtímaferli og þ.a.l. raunveruleg viðgerð.  Starfsemi húðar verður sterkari, heilbrigðari og enn virkari.  Þannig hægjum við raunverulega á öldrunarferli húðar.  Það er engin skyndilausn til og ef þér er lofað öðru þá er það ekki raunhæft.  Góðir hlutir gerast hægt.  Þessi meðferð gefur okkur raunhæfan kost á að eldast með reisn.

 

 

 

Hvernig er meðferð framkvæmd:

 

Efsta lag húðar er pússað niður með demantssandkristöllum.  Meðferðin fjarlægir dauðar húðfrumur á yfirborði húðar og örvar í kjölfarið vöxt nýrra frumna í undirlagi hennar.  Það er alls ekki verið að þynna húð varanlega.  Heilbrigð húð eða hyrnislagið er og verður alltaf 5 húðlög.  Húðin upplifir meðferðina í upphafi sem áreiti og sjálfkrafa viðgerðarferli fer í gang.  Hún gerir sér grein fyrir að hún þarf að vinna upp það sem við pússum burtu sem allra allra fyrst.  Þá fer þetta rökræna ferli í gang sem ég talaði um í upphafi.

 

Eftir hverja demantshúðslípun er djúpnærandi ampúla sett yfir allt andlit og háls og Lúxus-Maski frá Colorclay, sem er lífrænt vottaður, náttúrulegur maski án allra parabena.  Hreinleiki og gæði í vörum er mjög mikilvægt í þessu uppbyggingarferli.

 

 

 

Hversu margar meðferðir er mælt með að taka:

 

Það fer algjörlega eftir því hvaða árangri hver og einn vill ná. Til að ná sem mestum árangri er best að fara í 10 meðferðir í röð með 5-7 daga millibili.